宾施马挞着狙击奥沙辛拿
周四凌晨西甲快车连场激战，其中皇家马德里主场斗奥沙辛拿。皇马前锋宾施马开咧脚风奇顺，成为「银河舰队」抢分关键，配合加里夫巴利同夏萨特等一班顶级球星为佢输送弹药，皇马足以攻破任何防线，对住新升班嘅奥沙辛拿肯定唔会手软，中位数3.5球入球大好路。

（Now 632周四凌晨3时直播）

皇马上周中欧联出师不利，以0比3不敌巴黎圣日耳门，好彩「银河舰队」众星返回联赛即刻踢出身价，其中宾施马喺上仗联赛作客西维尔一仗嘅头槌入波，就为皇马抢到宝贵3分，令饱受批评嘅主帅施丹总算鬆一口气。呢位法国射手今季成功担起皇马进攻重责，5场联赛斩获5球，射手本色返晒嚟。随住比利时球星夏萨特逐渐融入球队，再搭住解冻之后状态大勇嘅「大圣爷」加里夫巴利，皇马豪华进攻线势必愈战愈勇，表现值得期待。

奥沙箭头艾维拉烂砌
今季重返西甲嘅奥沙辛拿季初令人眼前一亮，5轮过后成为皇马同毕尔包之外另一支不败之师，当中曾经交出2比2逼和劲旅巴塞隆拿嘅好戏，表现够硬淨。奥沙辛拿箭头艾斯基尔艾维拉出名死缠烂打，对住强队都唔会脚软，经常畀佢偷鸡博到入波机会，皇马班后衞如果稍有唔集中，随时酿成大错。况且皇马近8次联赛同奥沙辛拿交手，有7次开4球或以上，预计今场入球骚走唔甩，中位数3.5球入球大值得捧场。