防线硬淨唔易输
美洲国家盃周日凌晨上演季军战，阿根廷同智利将会连续第3届喺美洲盃交锋。阿根廷对上2届喺决赛射输12码畀智利，换来「亚军廷」污名，更弊喺今场仲有中前场两大悍将停赛，要喺硬淨嘅智利身上赢番次唔係话咁易，让球主客和阿根廷让一球，波童捧1.9倍智利让球客胜。
（Now 650及Now E周日凌晨3时直播）
正所谓「不是冤家不聚头」，阿根廷同智利原本有机会连续3届喺美洲盃决赛交锋，点知阿根廷4强畀「死敌」兼东道主巴西淘汰，至于智利更爆冷淨吞秘鲁3蛋，两军同样未能跻身决赛，搞到今届喺季军战又试碰头。
阿根廷焗变阵未必Keep到
睇番阿根廷对上两场淘汰赛表现，的确比分组赛时有所进步。可惜呢支「潘帕斯雄鹰」今仗缺少两位肯跑肯扑嘅球员，今届赛事入咗两球、近两场担正嘅前锋拿达路马天尼斯累积黄牌够数坐波监，冇咗佢喺前线冲锋陷阵，阿古路及美斯嘅威胁随时大减，另外中场助攻助守嘅马高斯阿古拿亦要停赛，主帅史卡朗尼焗住变阵，未必可以踢番对上两场嘅水准。
对上两届盟主智利情况刚好同阿根廷相反，踏入淘汰赛后连续两场冇波入，表现比分组赛失色，搞到衞冕失败。不过智利踢法胜在够硬淨，强如哥伦比亚喺8强都咬唔入佢哋，就知智利一条后防线相当难应付，就算赢唔到都唔易输。
智利对上两届都能守和阿根廷，以后者目前状态同表现真係冇咩本钱让波，让球客胜值得支持。