手握作客入球睇定食
今晚亚冠16强次回合大战，韩职班霸全北汽车主场再斗上海SP。全北汽车首回合1比1同对手打和兼抢得关键作客入球，晋级形势大好，加上球队近年亚冠主场恰惯中超球队，亦唔会畀上海SP翻身，全北让半一，1.89倍上盘有捧场价值。
（Now 672、有线613及653台周三晚6时直播）
力争队史首座亚冠冠军嘅上海SP，继2016年16强遭全北汽车淘汰后，今届又喺淘汰赛阶段遇上呢位老对手。当年以初哥身份首次闯荡亚冠舞台嘅上海SP，首回合主场0比0闷和对手，次回合远征南韩大败0比5，留下惨痛经历。
今年两队再遇，形势可谓大同小异，上海首回合主场依然赢唔到波，开赛仅1分钟就畀对手文善敏闪电攻陷，及后虽有后衞王燊超入波扳平，但已畀全北拎到个好重要嘅作客入球。
主场恰惯中超兵
碍于形势，上海今晚一定要拎到入球至有机会晋级，可惜主力于海有伤在身，今晚上阵成疑，作客难同经验十足嘅全北汽车周旋。况且全北汽车近12场亚冠主场赢咗10场，其中近8次亚冠主场斗中超球队，取得5胜3和，明显应付中超兵特别有心得，今仗让半一属合理盘口，上盘唔好错过。