另一场A组赛事玻利维亚遇上秘鲁。经首轮所见，玻利维亚仲未搵到进攻良方，而秘鲁亦係靠法芬同荷西古里路两位老将撑场，破关能力同样有限，战况随时陷胶着，捧中位数2.5球嘅入球细划算。
（Now 650周三清晨5时30分直播）
斋睇人脚牌面，秘鲁应该比玻利维亚稍为佔优，毕竟有喺西甲搵食嘅守将路尔斯艾云古拿坐镇后防，防线实力有番咁上下。可惜球队进攻仲要依赖法芬同荷西古里路两位老大哥，佢哋职业生涯曾经游历各大欧洲联赛，经验固然丰富，不过两人岁数加埋近70岁，体能始终有限，首战对住委内瑞拉都入唔到波，今场想有突破演出并唔容易。
玻军近7战6场捧蛋
玻利维亚今届出战美洲盃阵容主要以效力国内联赛嘅球员为主，稍微具名气嘅箭头马些路摩连奴，现时都只係喺踢紧中甲石家庄永昌，质素可想而知。佢哋上轮面对东道主巴西全场受压，前面单靠马些路摩连奴单打独斗，严重缺乏支援，加上对上7仗赛事得一场有「士哥」，其馀6场全捧蛋，哑火情况严重，今仗捧入球细好过。