今非昔比
世青盃周六上演E、F组赛事，三大热门法国U20、阿根廷U20及葡萄牙U20分别登场。法国自从2013年靠保罗普巴、乌姆迪迪等孭飞捧盃后，近年表现都係雷声大、雨点小，除咗上届世青盃16强出局，上年举行嘅U19欧国盃亦喺4强被淘汰，今届佢哋沿用U19欧国盃成员做班底，E组首战对沙特阿拉伯让波纯粹名牌效应。
沙特阿拉伯喺上年U19亚洲盃先后击败南韩、日本及澳洲等劲旅封王，实力有番咁上下，当中荣获赛事金球奖嘅艾阿马更被视为国家队未来希望，演出引人关注，法国一向唔擅长破密集，今场大细中位数开到3/3.5球，捧细最划算。
（周日凌晨零时开赛）
南韩葡萄牙斗入波
被视为今届死亡之组嘅F组，除咗两支传统劲旅阿根廷及葡萄牙，亚洲代表南韩亦具备出线实力。南韩首场会同葡萄牙正面交锋，南韩今届由效力西甲华伦西亚嘅中场李康仁领军，踢法机动够效率；葡萄牙以上年U19欧国盃冠军成员做重心，转会窗大红人、宾菲加前锋祖奥菲腊斯已进身大国脚，今次无缘出战，不过队友祖奥菲腊比祖达、费罗伦天奴及谢特臣费南迪斯喺宾菲加夹惯夹熟，唔怕迟入局，今场首选大。
（周六晚9时30分开赛）
至于6届冠军阿根廷上届分组赛出局，今届捲土重来势打争气波，首仗对住同组最弱嘅南非必拚尽，让一球/球半照捧上盘。
（周日凌晨2时30分开赛）