今晚亚冠盃G组尾轮爆发生死战，浦和红鑽于主场火併FC北京。双方要力争呢组最后1个出线席位，若果FC北京今仗取得有入球嘅和波即晋级，因此红鑽一定踢得更保守，加上近年对亲中超球队例少交收，宁捧中位数2.5球嘅入球细。
（Now 670、有线651及611台周二晚6时直播）
先讲讲G组形势，榜首全北汽车已提早出线，紧随其后嘅浦和红鑽与FC北京同得7分，为争出线「两个只能活一个」，当然今仗边队赢就肯定晋级，如果打和的话，就要视乎有冇波入，由于首循环交手闷和0比0，假如FC北京今场作客取得入球，便可凭对赛较多作客入球而晋级。相反，假如打和0比0嘅话，两军喺对赛成绩各方面就完全一样，之后再计总得失球差，红鑽便以1球之差压倒对手出线，所以今仗能否保持不失，对红鑽嚟讲係天堂与地狱，一定死守城池。
北京射手巴卡保缺态
另一边厢，喺中超所向披靡嘅FC北京，为出线今场至少要取得入球，可惜前锋巴卡保唔生性，除咗喺今届亚冠盃作客弱旅武里南联之役连中三元，其馀4场分组赛皆食白果，遇强随时又脚仔软。翻查纪录，红鑽近4次喺亚冠盃出战中超球队，取得2胜2和只失1粒，全部开2球或以下，绝对守得两嘴，细盘乃不二之选。