今晚赛事唔多，阿King一样搵到好嘢，重心意甲独脚戏拉素主场迎战博洛尼亚；拉素仍然沉醉喺赢得意大利盃嘅喜悦，战意鬆懈乃人之常情，今场让唔起近排弗爆嘅博洛尼亚，让球客胜乃不二之选。
（myTV Gold 301、now 638、有线654及614台周二凌晨2时30分直播）
拉素上周中意盃决赛末段连入两粒，最终以2比0击败阿特兰大，第7度捧盃兼取得下届欧霸入场券，而佢哋已无缘争夺欧联入场券，可以话今季任务完成，馀下联赛已成例行公事，依家众将仍沉醉捧意盃喜悦中，匆匆再战联赛可能随便应付，加上后衞史堤芬拉度坐波监，箭头恩莫比尼连续8仗食白果，想赢亦有心无力。
相反，之前陷护级漩涡嘅博洛尼亚季尾大爆发，近10仗联赛取得7胜1和2负，狂抢22分提早上岸，气势之盛唔讲得笑，射手柯苏连尼近4仗轰3粒，加上近2次作客拉素未输过，今场仲有得受让咁笋，让球客胜有分头咪错过。
哥登堡追大盘
另外，瑞典超有场前列大战哥登堡主场对哈马比，两队依家同分兼近况都弗，不过哈马比一向攻强守弱，近7仗有6场开3球或以上，捧入球大包冇衰。最后係亚冠盃D组最后一轮赛事，吉达艾阿里主场对柏克塔哥，吉达艾阿里射手奥马艾苏马因伤未必出得，柏克塔哥只要今仗唔输即出线，受让有计。