澳洲之旅第二站 利物浦「萊」者不善

      利物浦繼續佢哋嘅澳洲熱身之旅，今站去到南澳與澳職分子阿德萊德聯友賽；佢哋贏波係意料之內，而觀乎紅軍過去兩仗嘅演出，有理由相信佢哋可以輕鬆取得大勝，放心捧「讓客」。（周一1，有線61、64、201及203台香港時間周一17:30直播）

　　阿德萊德聯開操後只係打過一場熱身賽，當時佢??主場不敵西甲球會維拉利爾2:3，而球隊今季人腳變動唔算大，戴恩麥高雲、荷西卡斯奧、麥克奧治安同埋甘馬倫屈臣都留隊，可惜干斯坦度普路斯、布魯士卡馬奧同埋安東尼哥斯達有傷在身，今仗上陣機會微，阿德萊德聯惟有靠沙治奧施里奧同埋柏保路山齊士呢對西班牙外援組合?前線爭取入波，球隊實力本已有不及，加上傷兵所累，今場大敗而回並唔出奇。

　　已適應氣候大炒唔出奇

　　利物浦新球季備戰積極，佢哋先去泰國同當地明星隊拍跳，結果大勝4:0，而幾日前去昆士蘭省與布里斯班獅吼過招，最終以2:1反勝，所以今次係佢哋喺澳洲嘅第二場熱身賽，無論天氣同埋環境都適應晒，對於發揮當然更有利。

　　睇番利物浦呢兩場熱身賽?排陣，領隊羅渣士可謂極其認真，新援丹尼艾格斯、占士米拿同埋尼達利基尼全部落過場，舊將如列基林拔、盧卡斯、拿沙馬高域、馬馬度沙高、史卡迪爾、高路托尼同埋米洛列特亦有份披甲，最重要係拉爾拉拿同埋佐敦軒達臣兩位土炮好快就上力，之前兩場熱身賽頻頻交出入波同助攻，成班紅軍球迷不知睇到幾Happy，預計呢對孖寶今仗會繼續領軍，阿德萊德聯想頂住利物浦?強攻唔係咁易，所以足智彩開讓球主客和，可以放心買紅軍開「讓客」。