外圍賽5戰全勝弗到爆 英軍上盤嗒得洛

    乜叫弗到爆？睇英格蘭就知喇！自從去年巴西世界盃後，英格蘭踢9場波，取得7勝2和未輸過。仲有，2016年的歐國盃外圍賽5戰5勝未逢敵手，現以5戰15分高踞E組首位，今晚又要出擊，雖然是榜首大戰，作客對次名的斯洛文尼亞，但三獅軍團近6年對住斯洛文尼亞有3戰3勝的驕人紀錄，再下一城相信問題唔大，英格蘭[-0.5/-1]客勝是今晚最佳的選擇！( 星期日18：有線61及201台周一00:00直播 )
　　自從巴西世界盃後，英格蘭真係唔知個「輸」字點寫，踢了9場賽事，錄得7勝2和的佳績。最重要的是關乎出線明年法國歐國盃決賽周的外圍賽，三獅軍團5戰5勝，勝率100%，真係弗到冇朋友。今晚唯一比較可惜的是在這個賽事有6球斬獲的英軍首席射手韋碧克因傷未獲徵召，不過，球迷唔使擔心，其前曼聯隊友，射入4球的朗尼立誓衝擊卜比查爾頓保持的49球英格蘭紀錄，一定搏命！現時朗尼已有47球在手，分分鐘今晚已可平或破卜Sir的紀錄。朗尼的鬥志點？這一層Fans可以放心，所謂人逢喜事精神爽，朗尼同佢老婆高蓮上周五剛好度過結婚7周年紀念，在情場得意之下，踢波自然更有衝勁，破紀錄自然更有動力喇！
　　朗尼誓破卜比查爾頓入球紀錄
　　上一場熱身賽0:0賽和愛爾蘭可說是英格蘭這一年踢得最差的賽事，但卻可以理解。今晚大戰當前，就算係你旗，都一定留番今鋪搏命喇！上仗只係熱身賽，就趁機會試人囉！今場除了阿仙奴前鋒韋碧克外、利物浦前鋒史杜列治、曼聯中場卡域克及愛華頓左閘巴尼斯都因傷未獲徵召，同時熱刺射手哈利卡尼因為要踢歐洲U21國家盃，入選了英格蘭U21國家隊，今場休息。不過，英格蘭的主要球星如上述提過的曼聯隊長朗尼、後衛菲爾鍾斯、基斯史摩寧、阿仙奴翼鋒禾確特、中場韋舒亞、利物浦前鋒史達寧、中場佐敦軒達臣、翼鋒拉爾拉拿、車路士中堅加利卡希爾、利物浦中場占士米拿及門將赫特可候命。以咁的人腳，要保持小組6戰6勝，對三獅兵講，絕對係冇難度。
　　斯洛文尼亞亦非一般的魚腩，晉級過2000年歐國盃決賽周，但在分組賽出局，現時捲土重來，被編在勁旅不太多的E組，出線對手除英格蘭外，只有瑞士實力較強，在每組有2至3個出線名額下，機會樂觀。事實上，斯洛文尼亞亦有不少稍具名氣的外流球員，如清水心跳射手路華高域、多蒙特中場奇雲甘保爾、費倫天拿中場伊利錫、維拉利爾後衛祖傑、科隆後衛碧高及國際米蘭門將漢丹洛域等，只可惜今晚對的是弗到震的英格蘭，只有嘆句唔好彩！英格蘭[-0.5/-1]的客勝絕對冇甩拖！