阿根廷要“智”取

    今屆美洲國家盃明早上演終極決戰，東道主智利與阿根廷爭奪本屆王者。

    兩隊最近一次交手係三年前世界盃外圍賽，阿根廷主客場雙殺智利。當時嘅美斯、迪馬利亞、阿古路、馬斯卓蘭奴、希古恩及洛祖等今日仍然在陣；今時今日嘅智利就加入唔少猛人，維達爾、阿蘭基斯、華迪維亞及門將巴禾等，實力確有所提升，但總括整體戰力，依然未及阿根廷強橫，只望借助天時地利人和，能與阿根廷力拼到底。初盤阿根廷讓半球，雖然智利嘅主場威力確實不能睇低，但身經百戰嘅阿根廷只要爆發出正能量，應可“智”取東道主。

    智利在殺入決賽過程中，真係未受過較大威脅，除對手實力較弱外，八強淘汰烏拉圭、四強擊敗秘魯，好明顯都係贏在人多打人少，今場對住世界頂級之一嘅阿根廷，今屆未受過重大考驗嘅智利，恐怕難圓冠軍夢。

    阿根廷終於在上場踢出勁旅本色，六比一血洗巴拉圭，幾位世界級球星盡顯光芒，祇要繼續踢出對巴拉圭嘅水準，阿根廷必勝無疑。

    推介：阿根廷2:1