巴塞“利”字當頭

大件事！大件事！巴塞頭號王牌美斯在上場聯賽重創受傷，預料休戰兩個月，將要缺陣多場大戰，包括明晨歐冠盃分組第二場對利華古遜，少咗美斯坐鎭，巴塞到底走勢如何？的確值得關注。

不過，呢個世界冇話冇邊個就唔掂，只係影響有幾大。巴塞首戰只能與羅馬言和，今戰實在不容有失，稍有差池再失分的話，分分鐘鑄成大錯，誓必全力撲擊對手。

巴塞唔單止有美斯受傷頭痛，仲有拉芬拿、馬菲奧及正選門將巴禾，陣容上的確需要調整；不過，板凳深度依然足夠，羅拔圖、夏達迪及巴拉特幾位年輕球員都有一定潛質，問題只係踢歐冠大賽能否有出色發揮，而最緊要係恩尼斯達、拿傑迪、“咬人蘇”與尼馬等核心踢出水準，依然夠殺。

利華古遜拍埋去巴塞，始終仍有差距，之前作客拜仁與多蒙特兩支強隊都要三球大敗，對住實力夠強球隊立竿見影，今仗去到魯營球場，但求一分政策。初盤巴塞羅那讓一球／球半，一於捧巴塞無往而不“利”。

推介：巴塞羅那2:0