德軍再做“蘇”

    歐洲國家盃外圍賽D組形勢比較混亂，德國上場擊敗波蘭後，以十六分重登榜首。如無意外入硬決賽周，除非餘下三場全輸，包括主場對格魯吉亞，但可能性唔大。

    排第四位嘅蘇格蘭因為上仗爆冷不敵格魯吉亞，搞到出線機會轉淡，除非球隊可以連斬三關，否則踢完外圍賽後就可以“畢業”。第一關就係明晨要對住德國，蘇格蘭要逆水行舟擊敗世界冠軍，睇怕相當艱難。初盤德國硬讓一球，德軍祇要攞埋呢三分，出線就穩如泰山，必會全力狙擊對手。蘇格蘭又何“德”何能頂得住德軍攻勢，最低消費兩球落敗冇走雞。

    由於蘇格蘭球員嘅個人技術質素一般，所以踢法上，最叻係採取高Q大棍兼長傳急攻，組織能力實在有限。唯一可與德國硬拼的，祇可以靠體力。

    相反，德國對波蘭一戰，組織攻勢有如水銀瀉地，廿一次攻門，十三次中目標，波蘭輸一比三已經算係輸得少。論球員嘅控球能力、整體互傳配合，德國都係強項，蘇格蘭就算幾好體力，都畀德國搓死。

    推介：德國2:0