俄羅斯征“西”

    洲際國家盃今晚在俄羅斯開賽，八支國家隊爭標。東道主俄羅斯先打頭陣迎戰新西蘭，擁有天時地利人和，俄軍料可旗開得勝。新西蘭足球水平有限，與歐洲及南美，甚至亞洲強隊相比仍差一至兩班，首戰對住俄羅斯和波當贏。初盤俄羅斯讓球半，捧主隊贏波贏盤唔“蘭”。

    俄羅斯以國內俄超球員為主，由效力國家隊已十三年的門將阿堅菲耶夫領軍，古沙哥夫、普路斯及射手斯姆洛夫為核心，球員默契絕不成問題。俄羅斯踢法一向以機動性見稱，以整體效率為主，球員質素及技術較平均，由於對手實力並非突出，俄羅斯可全力搶攻，爭取入球。

    同組仲有歐洲冠軍葡萄牙及中北美洲勁旅墨西哥，新西蘭要在小組殺出重圍實在困難。陣中球員以曾在英超搵食、目前效力列斯聯的活特最具名氣，將是搶分人物，其他球員技術所限，今仗但求輸少當贏。

    推介：俄羅斯2:0