女世盃:英格蘭虛張聲細
时间：2023-08-11 17:39 来源：足球图库
鋒線死火咬唔入丹麥
女子世盃D組賽事，名牌球隊英格蘭女足大戰丹麥女足。歐國盃盟主英格蘭女足雖然牌面秤高，不過射手美迪受傷後，入球能力不足問題遲遲未解決，今場對住防守力強嘅丹麥女足，好大機會陷入拉鋸戰，既然兩隊都冇把握入波，博2.5球入球細係明智之選。
（Now 630周五下午4時30分直播）
英格蘭女足喺威格曼執教下，近33場比賽只係輸過1場，被捧成冠軍熱門亦係正常，可惜上年贏歐國盃冠軍嘅強大火力，自美迪受傷後大受削弱，今屆世盃首仗對海地女足，只靠一個12碼贏1比0，演出令球迷失望，連同決賽周前兩場熱身賽「食白果」，英格蘭女足近4仗總入球全開2球或以下。
丹麥近4仗3保清白身
丹麥女足首輪1比0小勝中國女足，防守力強係佢哋最大賣點，對上4仗有3場保持不失球，總入球同樣全開2球或以下，一對中堅絲甸柏達臣同施蒙妮蘇連遜狀態大勇，有力抵擋「三獅兵團」進襲。今場兩支守強攻弱球隊交鋒，博2.5球入球細好路。
