墨西哥讓“多”唔可靠

    執筆之時，美洲金盃賽踢咗十四場比賽，開下盤爆到唔清唔楚，A組更加五場下盤一場走盤，幾乎“全下”有之。

    C組較正路，除墨西哥上場被危地馬拉摸和再爆下盤外，其他三場都係上盤交收，其中特立尼達和多巴哥交足功課，讓波照殺盤，兩戰兩勝已穩奪八強一席位，明早對住同組最強嘅墨西哥，為保住首名出線，必會頑強對抗。初盤開出有受讓球半之利，特立尼達和多巴哥的確值得捧場。

    墨西哥首戰強勢登場，以六球狂掃古巴，第二場對危地馬拉以為銳不可擋，點知全場佔盡八成攻勢，始終老鼠拉龜被對手悶和，三大攻擊手杜斯山度士、佩拉達及古亞達度狂攻下只係得個桔。雖然今場整體實力高於特立尼達和多巴哥，但對手士氣極佳，要贏對手兩球未必容易。

    今屆美洲金盃賽中，特立尼達和多巴哥發揮得最正常，雖然前兩場對手較弱，但進攻與防守都有一定效率，前線嘅鍾斯衝刺力十足，絕對有力衝破墨西哥防線。兩隊近四次交手，墨西哥兩勝一和一負，贏波只係一球上落，好大機會贏波輸盤。

    推介：墨西哥2:1