美國讓一球去“馬”

    美洲金盃賽東道主之一嘅美國，分組賽兩戰兩勝，穩奪A組首名出線。美國戰隊的確夠威水，但衰在兩場波都係贏波輸盤囉！仲有，如果冇咗射手丹普西，美軍都唔知靠邊個食糊。明早第三戰出擊，對住最近六次對賽打親都贏嘅巴拿馬，睇吓美軍又能否七度斬“馬”兼以三全勝姿態出線。

    巴拿馬要確保殺入八強，今戰非勝不可，可惜近呢三、四年對住美國佬的確冇啖好食，除非已出硬線嘅美國今場放軟手腳，否則巴拿馬要攞足三分實在不易。初盤美國讓一球，今仗必要對投資者有所交代，既然“美市”都回升，不妨博多次美國可以贏波贏盤。

    其實美國上場對海地，比第一場打得更鬆散，全場只得六射兩中，海地射門共廿一次兼四中目標，美軍又係贏在埋門一腳。“奇哥”今場或會派出部分副選上陣，話唔定會有更佳效果，丹普西亦會博神射手奬項，所以美國讓一球都要去“馬”。巴拿馬頭兩場表現同樣一般，進攻與防守水準都係有限。後防主力亨歴基停賽，令不穩嘅防線更現危機。

    推介：美國2:0