世盃女足要受讓

    美洲盃分組賽經已打完，暫停戰火休息一天。今日推介女足世界盃，首先恭喜中國女足，昨晨擊敗喀麥隆晉級八強，希望中國娘子軍更上一層樓，能夠殺入四強爭取佳績。

    明晨繼續有兩場十六強淘汰賽，先有挪威對英格蘭，兩隊實力應該屬於勢均力敵，挪威在分組賽取得兩勝一和，攻入八球只失兩球，攻守均衡，特別係逼和勁“女”德國一戰，證明挪威女足具一定戰鬥格。至於英格蘭同樣表現不俗，分組賽只係一球不敵法國，其餘兩場都發揮出應有水準，今戰火併挪威勝負實在難料。初盤英格蘭讓平手／半球，當然揀受讓嘅挪威。

    跟住有美國對哥倫比亞，“美女”係上屆亞軍，只係互射十二碼輸比日本，今屆捲土重來必然成為奪標大熱；不過球隊依然依賴多名老將，包括姬艾嘉、拉比路及卅五歲嘅射手溫巴治等。哥倫比亞大部分都係“九○後”美少女組成，勝在活力十足，今仗未至於會慘敗在“美女”腳下。初盤美國硬讓兩球，一於捧“哥女”輸波贏盤。

    推介：挪威1:1英格蘭；

     美國2:1哥倫比亞。